कोशी प्रदेश प्रिमियर लिग: धनकुटाको देउराली यूवा क्लव ४ अंक जोड्दै शिर्ष स्थानमा

सफल राई 

धरान । धरानमा जारी  कोशी प्रदेश प्रिमियर लिगअन्तर्गत सुपर लिगको आफ्नो दोस्रो खेलमा धनकुटाको लिग विजेता देउराली युवा क्लबले जित निकाल्दै दुई खेलबाट ४ अंक सहित लिग तालिकाको शिर्ष स्थानमा उक्लेको छ ।मंगलवार धरान रंगशालामा भएको खेलमा देउरालीले पाँचथर लिग विजेता पाँचथर युनाइटेडलाई ७-० ले पराजित गरेको छ ।

देउरालीका लागी समीर लिम्बूले खेलको २१, ७९ र ८८औं मिनेटमा गोल गर्दै ह्याट्रिक गरे भने दिपेन शाक्यले ६५ र ९०+२ मिनेटमा दुई गोल तथा विरेन लिम्बूले ५७ औं मिनेट र ज्ञानेन्द्र भण्डारीले ४० औं मिनेटमा एक-एक गोल गरे । खेलको म्यान अफ द म्याच देउराली युवा क्लबका समीर लिम्बू घोषित हुँदै नगद ५ हजार पुरस्कार प्राप्त गरे ।